Daşkəsənin İcra başçısı Əhmədli kənd sakinlərinin müraciətlərini dinləyib Fotolar

Aprelin 21-də Daşkəsən Rayon İcra Hakimiyyətinin başçısı Orxan Abbasovun Əhmədli kəndində keçirdiyi vətəndaşların səyyar qəbulunda rayonun hüquq-mühafizə orqanlarının, idarə, müəssisə, xidmət sahələrinin rəhbərləri, ərazi icra nümayəndəsi, bələdiyyə sədri və kənd sakinləri iştirak ediblər.

Mubarizciler.az xəbər verir ki, İcra başçısı Orxan Abbasov giriş nitqində vurğulayıb ki, Prezident cənab İlham Əliyevin liderliyi ilə Azərbaycan dövləti öz milli maraqlarını rəhbər tutaraq müstəqil siyasətini uğurla davam etdirir, qarşıda duran strateji hədəflərə doğru inamla irəliləyir. Bu uğurlu siyasətin nəticələri Daşkəsən rayonunda həyata keçirilən abadlıq-quruculuq işləri, infrastruktur layihələri və sosial təşəbbüslər sayəsində özünü aydın şəkildə göstərir, əhalinin rifah halının yüksəldilməsinə və həyat səviyyəsinin daha da yaxşılaşmasına töhfə verir.

Sonra sakinlərin müraciətləri dinlənilib. Vətəndaşları dinləyən Orxan Abbasov qaldırılan məsələlərin həll edilməsi üçün tapşırıq və tövsiyələrini verib. Müraciətlərin bir qismi yerində həll edilib. Əlavə araşdırma tələb edən müraciətlər isə aidiyyəti qurumlara çatdırılması üçün nəzarət qaydasında qeydiyyata alınıb. Qəbulda iştirak edən Əhmədli kənd sakinləri onlara hər zaman göstərilən diqqət və qayğıya görə Prezident cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını bildiriblər.