Bariz Allahverdiyev: Aprel döyüşləri – Şanlı Qələbəmizin müjdəçisi

2016-cı ilin aprel ayında baş verən Aprel döyüşləri Azərbaycan tarixində mühüm dönüş nöqtəsi oldu.

Bu döyüşlər Azərbaycan Ordusunun gücünü və peşəkarlığını bir daha dünyaya nümayiş etdirdi. Cəmi dörd gün davam edən hərbi əməliyyatlar strateji baxımdan böyük əhəmiyyət kəsb edirdi. Azərbaycan Silahlı Qüvvələri bir neçə mühüm yüksəklik və yaşayış məntəqəsini işğaldan azad etdi. Lələtəpə yüksəkliyinin azad olunması xüsusi əhəmiyyətə malik idi.Bu yüksəklik sonrakı hərbi əməliyyatlar üçün əlverişli mövqe yaratdı. Döyüşlər zamanı ordumuz müasir silah və texnikadan uğurla istifadə etdi. Azərbaycan əsgəri yüksək döyüş ruhu və vətənpərvərlik nümayiş etdirdi.Düşmən tərəfi ciddi itkilərə məruz qaldı və geri çəkilməyə məcbur oldu.Bu qələbə xalqımızın öz ordusuna olan inamını daha da artırdı. Aprel döyüşləri göstərdi ki, Azərbaycan torpaqlarını azad etməyə qadirdir. Beynəlxalq ictimaiyyət də bu hadisələrə diqqət yetirdi. Döyüşlərdən sonra regionda yeni reallıqlar formalaşmağa başladı. Azərbaycanın haqlı mövqeyi daha aydın şəkildə ortaya çıxdı. Ali Baş Komandan İlham Əliyev ordunun uğurlarını yüksək qiymətləndirdi. Şəhidlərimizin qəhrəmanlığı xalqımızın yaddaşına əbədi həkk olundu. Onların fədakarlığı gələcək nəsillər üçün örnək oldu. Aprel döyüşləri həm də psixoloji üstünlüyün əldə edilməsinə səbəb oldu. Düşmən ordusunun məğlubedilməzlik mifinin əsassız olduğu sübut edildi. Bu hadisələr 2020-ci il Vətən müharibəsinin başlanğıcının xəbərçisi idi. Ordumuz həmin döyüşlərdə qazandığı təcrübəni daha da inkişaf etdirdi.Cəmiyyətimizdə birlik və həmrəylik daha da möhkəmləndi. Aprel döyüşləri göstərdi ki, torpaq uğrunda mübarizə milli məsələdir. Bu qələbə böyük zəfərin ilk addımı kimi tarixə düşdü. Nəticə etibarilə, Aprel döyüşləri Azərbaycanın şanlı qələbəsinin müjdəçisi oldu.

YAP Quba rayon Qaraçay ərazi partiya təşkilatının sədri, tarix müəllimi Bariz Allahverdiyev.