Mingəçevir Şəhər Mərkəzi Xəstəxanasında Ülfət Qurbanovun iştirakilə geniş tərkibli iclas keçirilib Fotolar

İclasda xəstəxananın struktur bölmələrinin rəhbərləri, həkimlər və digər məsul şəxslər iştirak ediblər.

Mubarizciler.az xəbər verir ki, tədbirin əsas mövzusu vətəndaş məmnunluğunun artırılması və səhiyyə sahəsində antikorrupsiya tədbirlərinin gücləndirilməsi olub. İclas zamanı əhaliyə göstərilən tibbi xidmətlərin keyfiyyətinin yüksəldilməsi, pasiyent müraciətlərinə həssas yanaşma, şəffaflığın təmin olunması və etik davranış qaydalarına riayət olunmasının vacibliyi vurğulanıb.

Direktor çıxışında qeyd edib ki, vətəndaş məmnunluğu səhiyyə xidmətlərinin əsas prioritetlərindən biridir və hər bir əməkdaş öz fəaliyyətində bu prinsipi rəhbər tutmalıdır. Həmçinin korrupsiyaya qarşı mübarizənin gücləndirilməsi, bu sahədə daxili nəzarət mexanizmlərinin təkmilləşdirilməsi ilə bağlı tapşırıqlar verilib. İclasda pasiyent hüquqlarının qorunması, müraciətlərin operativ və obyektiv araşdırılması, eləcə də xidmət prosesində şəffaflığın artırılması istiqamətində görüləcək işlər müzakirə olunub. Sonda müvafiq struktur bölmələrinə konkret tapşırıqlar verilib və qarşıya qoyulan vəzifələrin icrasına nəzarətin gücləndiriləcəyi bildirilib.