Naftalanda “Azərbaycanın memarlıq irsinin qorunması və təbliğində Mehriban Əliyevanın rolu” mövzusunda tədbir keçirilib Fotolar

“Şəhərsalma və Memarlıq İli” çərçivəsində Naftalan Şəhər İcra Hakimiyyətinin təşkilatçılığı ilə “Azərbaycan memarlıq irsinin qorunması və təbliğində Mehriban Əliyevanın rolu” mövzusunda tədbir keçirilib.

Mubarizciler.az xəbər verir ki, tədbirdə ŞİH-nin məsul əməkdaşları, YAP Naftalan şəhər təşkilatının, şəhər Ağsaqqallar Şurasının sədrləri, idarə, müəssisə, təşkilat rəhbərləri, ziyalılar və gənclər iştirak edib.

Mehriban xanım Əliyevanın  müstəsna xidmətlərini özündə ehtiva edən kitab sərgisinə baxış keçirilib,  sənədli film nümayiş olunub.

Tədbirdə dövlətimiz tərəfindən Azərbaycan memarlıq və mədəni irsinin qorunması, tarixi-mədəni və dini abidələrin bərpası, onların özünəməxsus memarlıq xüsusiyyətlərinin yaşadılması və gələcək nəsillərə çatdırılması istiqamətində həyata keçirilən genişmiqyaslı layihələrdən bəhs olunub.

Bu sahədə Azərbaycan Respublikasının Birinci vitse-prezidenti, hörmətli Mehriban xanım Əliyevanın təşəbbüsləri və mühüm fəaliyyəti xüsusi qeyd edilib. Mehriban xanım Əliyevanın milli-mədəni irsin qorunması, tarixi abidələrin bərpası, eləcə də Azərbaycanın zəngin memarlıq irsinin beynəlxalq səviyyədə tanıdılması istiqamətində həyata keçirdiyi məqsədyönlü fəaliyyətinin əhəmiyyəti diqqətə çatdırılıb.

Eyni zamanda, Mehriban xanım Əliyevanın rəhbərliyi ilə Heydər Əliyev Fondu tərəfindən milli və dünya mədəni irsinin qorunması və bərpası, mədəniyyətlərarası dialoqun təşviqi, xeyriyyəçilik və humanitar təşəbbüslərin dəstəklənməsi istiqamətində həyata keçirilən çoxsaylı layihələrdən bəhs olunub.