Seymur Orucov növbəti dəfə səyyar qəbul keçirdib Fotolar

Seymur Orucov vətəndaşların növbəti səyyar qəbulunu Göycəli kənd sakinləri ilə keçirib.

Mubarizciler.az xəbər verir ki, Ağstafa Rayon İcra Hakimiyyəti başçısının Göycəli kənd tam orta məktəbində keçirdiyi növbəti səyyar qəbulda rayonun hüquq-mühafizə strukturlarının rəhbər şəxsləri, aidiyyəti təşkilatların nümayndələri, eləcə də kənd sakinlər iştirak ediblər.

RİH başçısı giriş nitqində xüsusi ilə vurğulayıb ki, bu gün Azərbaycan ərazi bütövlüyünü və dövlət suverenliyini bərpa etmiş,  dünyanın ən sürətlə inkişaf edən, dünya birliyində nüfuzlu mövqeyi ilə seçilən, Cənubi Qafqaz regionunun Lider ölkəsidir. Bu tarixi nailiyyətlərin əsasında bütün həyat və fəaliyyətini Azərbaycanın inkişafına həsr etmiş, Ümummilli Lider Heydər Əliyevin müdrik,  xalqımızın rifahının təminatına xidmət edən uzaqgörən siyasəti və bu siyasətin Prezident İlham Əliyev tərəfindən yüksək səviyyədə davam etdirilməsi dayanır.  

 Səyyar qəbulda vətəndaşların qaldırdıqları müxtəlif məzmunlu məsələlərin dərindən araşdırılması və qanunvericiliyin tələblərinə uyğun həll edilməsi istiqamətində aidiyyəti üzrə məsul şəxslərə nəzarət qaydasında tapşırıqlar verilib.