Şəhid jurnalist Sirac Abışovun doğum günüdür
Bu gün şəhid jurnalist Sirac Abışovun dünyaya göz açdığı gündür
Mubarizciler.az xatırladır ki, 1989-cu ildə Qubadlı rayonunun Dondarlı kəndində anadan olan Sirac Abışovun media sahəsinə marağı onu televiziyaya gətirib. S.Abışov Azərbaycan Televiziyasında (AzTV) operator vəzifəsində çalışırdı. O, şəhidlik zirvəsinə də elə İkinci Qarabağ müharibəsindən sonra işğaldan azad edilən ərazilərdə xidməti vəzifəsini yerinə yetirərkən ucalıb.
Belə ki, 2021-ci il iyunun 4-də Kəlbəcər rayonu ərazisində yerləşən Susuzluq kəndinə gedən yolda onların içərisində olduğu "KamAZ" markalı sərnişin avtomobili tank əleyhinə minaya düşüb. Nəticədə AzTV-nin operatoru Sirac Abışov, AZƏRTAC-ın müxbiri Məhərrəm İbrahimov və Kəlbəcər Rayon İcra Hakimiyyəti başçısının Susuzluq kənd inzibati dairəsi üzrə nümayəndəsinin müavini Əliyev Arif Ağalar oğlu həlak olub, dörd nəfər yaralanıb.
Xəbəri paylaş



