Elçin Kərimov ümumi təhsil məktəblərinin rəhbərləri ilə görüş keçirib Fotolar
Yeni tədris ilinə hazırlıq məqsədilə Gəncə-Daşkəsən Regional Təhsil İdarəsinin müdiri Elçin Kərimov ümumi təhsil məktəblərinin rəhbərləri ilə görüş keçirib.
Mubarizciler.az xəbər verir ki, görüş zamanı Elçin Kərimov məktəblərdə yeni dərs ilinə hazırlıq vəziyyəti, təşkilati məsələlər və qarşıdakı hədəflər barədə geniş məlumat verib, rəhbərlərə müvafiq təlimatlar təqdim edib.
Görüşdə şagird davranış qaydaları, məktəbli forması, xüsusi təhsil, təhsil müəssisələrinə şagirdlərin qəbulu və yerdəyişməsi, yeni fəaliyyətə başlayan liseylər, tam orta məktəb layihəsi və digər məsələlər barədə ətraflı məlumat verilib.
Görüş interaktiv şəkildə – qarşılıqlı fikir mübadiləsi ilə davam edib. Məktəb direktorları da öz təkliflərini səsləndirib, mövcud suallar ətrafında fikir bildiriblər.
Xəbəri paylaş



