Xəbər lenti

Goranboyda futbol çempionatına yekun vuruldu Fotolar

Tarix: 16-08-2025 17:54     Baxış: 1 960

Goranboy rayonunda şəhər, qəsəbə və kənd komandaları arasında futbol çempionatına yekun vuruldu.

Mubarizciler.az xəbər verir ki, 17 iyun - 15 avqust 2025-ci il tarixlərdə keçirilmiş Goranboy Rayon İcra Hakimiyyəti, Gəncə-Daşkəsən Regional Gənclər və İdman İdarəsinin Goranboy rayonu üzrə  gənclər və idman sektoru və  Elm və Təhsil İşçiləri Həmkarlar İttifaqının Goranboy Rayon Komitəsinin birgə təşkilatçılığı ilə, "Konstitusiya və Suverenlik İli"nə həsr olunmuş Goranboy rayonunda şəhər, qəsəbə və kənd komandaları arasında futbol çempionatının final mərhələsinin son qarşılaşması baş tutdu.


 Final qarşılaşmasının nəticəsi aşağıdakı kimidir:


Alpout kənd komandası 7 : 2 Qızılhacılı qəsəbə komandası

 Son qarşılaşmanın nəticəsinə əsasən, qalib komandaların tutduğu yerlər müəyyənləşdi:


I yer - Alpout kənd komandası


II yer - Qızılhacılı qəsəbə komandası


III yer - Düzqışlaq kənd komandası

 I yerin qalibi olmuş komandaya kubok, diplom və medal, II və III yerlərin qalib komandaları isə diplom və medallarla təltif olundular. 

 Qeyd edək ki, çempionata  şəhər, qəsəbə və kəndlərdən 19 komanda qatılmışdır. Cempoinata qatılmış bütün komandalara təşəkkür edir və qalib gələn komandaları təbrik edərək növbəti yarışlarda uğurlar arzulayırıq.

Final oyunlarının təltif olunma mərasimində Goranboy Rayon İcra Hakimiyyəti başçısının birinci müavini Seymur Nazarov, Goranboy rayonu üzrə gənclər və idman sektorunun müdiri Cəfər Verdiyev və Elm və Təhsil İşçiləri Həmkarlar İttifaqının Goranboy Rayon Komitəsinin sədri Kamil Baxşəliyev iştirak etdilər və çıxış zamanı ölkəmizdə əsası Umumilli Lider Heydər Əliyev tərəfindən qoyulan və cənab Prezident İlham Əliyev tərəfindən uğurla davam etdirilən idman siyasətindən bəhs edərək, Goranboy rayonunda da, idmana göstərilən diqqət və qayğıdan geniş bəhs etdilər. Ölkəmizdə bütün idman növləri ilə yanaşı futbol idman növünündə sürətlə inkişaf etdiyini, həmçinin gənclərin bu idman növünə xüsusi maraq göstərdiyini iştirakçıların diqqətinə çatdırdılar. Sonda qalib komandaları təbrik edərək onları müvafiq kobok, diplom və medallarla təltif etdilər.




Xəbəri paylaş








Çox oxunanlar




Son yüklənənlər


Axtarış

Reklam
Cop29
İdman
Şou-biznes
Maraqlı
Təqvim

«    Avqust 2025    »
BeÇaÇCaCŞB
 123
45678910
11121314151617
18192021222324
25262728293031
Bölgə
Fotosesiya
Çox oxunanlar