Qarabağ Universitetində fəaliyyətə başlayacaq Tibb və Sağlamlıq Elmləri fakültəsi ilə bağlı təbliğat görüşü keçirilib Fotolar

Gəncə-Daşkəsən Regional Təhsil İdarəsinin inzibati binasında keçirilən görüşdə Gəncə-Daşkəsən Regional Təhsil İdarəsinin müdiri Elçin Kərimov, Məktəbəqədər və Ümumi Təhsil üzrə Dövlət Agentliyinin əməkdaşı Könül Məmmədli, Qarabağ Universitetinin Klinikasının Direktoru, eləcə də Tibb və Sağlamlıq Elmləri Fakültəsinin dekanı Samir Babayev, Tibb və Sağlamlıq fakültəsinin əməkdaşları, GDRTİ-nin əməkdaşları, ümumi təhsil məktəblərinin direktorları, müəllim, valideyn və 2024-2025-ci tədris ilində ümumi təhsil müəssisələrinin XI sinfini bitirən məzunlar iştirak ediblər. 

Mubarizciler.az xəbər verir ki, görüşdə çıxış edən Gəncə-Daşkəsən Regional Təhsil İdarəsinin müdiri Elçin Kərimov Qarabağ Universitetinin yaradılmasının əhəmiyyətindən danışıb. Universitetin regionun intellektual və mədəni mərkəzinə çevrildiyi qeyd edib. Görüş zamanı Qarabağ Universitetinin Tibb və Sağlamlıq Elmləri Fakültəsinin nümayəndələri iştirakçılara təhsil müəssisəsinin fəaliyyəti ilə bağlı ətraflı məlumat təqdim ediblər. Təqdimatla çıxış edən nümayəndələr universitetdə tədris olunan proqramlar, fakültələr və mövcud ixtisaslardan bəhs edib, tələbələrə təqdim olunan akademik imkanları diqqətə çatdırıblar. Görüşdə iştirakçılar həmçinin universitetin akademik mühiti, elmi-tədqiqat fəaliyyəti barədə məlumat əldə ediblər.

Qeyd edək ki, Qarabağ Universitetində  2025–2026-cı tədris ilindən etibarən Tibb və Sağlamlıq fakültəsinin fəaliyyətə başlaması nəzərdə tutulub.