Naftalanda 28 May – Müstəqillik Günü münasibətilə tədbir keçirilib Fotolar

Naftalan şəhər İ.Nəsimi adına 1 nömrəli tam orta ümumtəhsil məktəbində 28 May – Müstəqillik Günü münasibətilə tədbir keçirildi.

Mubarizciler.az xəbər verir ki, tədbirdə məktəbin pedaqoji heyəti və şagird kollektivi iştirak etmişdir.

Azərbaycan Xalq Cümhuriyyətinin yaranması və tarixi əhəmiyyəti barədə geniş məlumat verilmişdir.

Tədbiri məktəbin direktoru Fuad Zamanov açaraq iştirakçıları bayram münasibətilə təbrik etmişdir.

Direktor çıxışında 28 Mayın xalqımızın azadlıq və müstəqillik yolunda atdığı mühüm tarixi addım olduğunu vurğulamışdır. Fuad Zamanov Azərbaycan Xalq Cümhuriyyətinin dövlətçilik tariximizdəki rolundan və dəyərlərindən bəhs etmişdir. O, bugünkü müstəqil Azərbaycan Respublikasının həmin ideyaların layiqli davamçısı olduğunu qeyd etmişdir. Tədbir şagirdlərin hazırladığı ədəbi-bədii kompozisiya ilə davam etmişdir. Kompozisiyada vətənpərvərlik, azadlıq və milli birlik mövzuları əks olunmuşdur. Şagirdlər tərəfindən səsləndirilən şeirlər və səhnəciklər tədbir iştirakçıları tərəfindən rəğbətlə qarşılanmışdır.

Bu cür tədbirlərin keçirilməsi şagirdlərdə vətənə məhəbbət, tarixə hörmət və milli kimlik hissini gücləndirir.