Seymur Orucov növbəti dəfə vətəndaşları dinləyib - Fotolar

Müvafiq qrafikə uyğun olaraq Ağstafa RİH başçısının Düzqışlaq kənd tam orta məktəb binasında keçirdiyi vətəndaşların növbəti səyyar qəbulunda rayonun hüquq-mühafizə orqanlarının rəhbərləri, aidiyyəti idarə, müəssisə və təşkilatların məsul şəxsləri, eləcə də yerli ictimaiyyətin nümayəndələri iştirak ediblər.

Mubarizciler.az xəbər verir ki, RİH başçısı çıxış edərək bildirib ki, Prezident İlham Əliyevin liderliyi ilə həm daxildə, həm də beynəlxalq arenada siyasi, iqtisadi baxımdan əhəmiyyətli nailiyyətlər əldə edən Azərbaycan inkişaf yolunda daha böyük zirvələrə doğru əminliklə irəliləyir. Ulu Öndər Heydər Əliyevin siyasi və dövlətçilik xəttinin uğurlu davamı ölkəmizin tərəqqisini, xalqın rifah halının yaxşılaşdırılmasını, Azərbaycanın dünyanın qüdrətli dövlətləri sırasında qərarlaşmasını təmin edir. 

Səyyar qəbulda müxtəlif məzmunlu müraciət və təkliflərlə çıxış edən vətəndaşlar dinlənilib, onların qaldırdıqları məsələlər qeydiyyata alınaraq nəzarətə götürülüb. Məsələlər araşdırılaraq həlli istiqamətində aidiyyəti üzrə məsul şxslərə lazımi göstərişlər verilib.