Qvineya-Bisau Prezidenti Zəfər parkını ziyarət etdi - Fotolar
Azərbaycanda rəsmi səfərdə olan Qvineya-Bisau Prezidenti Umaru Sisoku Embalo Bakıda Zəfər parkını ziyarət edib.
Mubarizciler.az ın məlumatına görə, burada ali qonağın şərəfinə fəxri qarovul dəstəsi düzülüb.
Qvineya-Bisau Prezidenti parkdakı Zəfər abidəsinin önünə əklil qoyub.
Sonra ali qonağa Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi Zəfərin yaddaşlarda yaşadılması, şəhidlərimizin əziz xatirəsinin əbədiləşdirilməsi məqsədilə yaradılmış Zəfər parkı barədə ətraflı məlumat verildi. Bildirildi ki, ərazisi 10 hektara yaxın olan parkın girişində 44 günlük Vətən müharibəsinin rəmzi kimi hündürlüyü 44 metr, eni 22 metr, sütunlarının sayı 44 olan Zəfər tağı inşa edilib.
Xatırladaq ki, parkın açılışı 2024-cü il noyabrın 8-də Azərbaycan Prezidenti İlham Əliyev və birinci xanım Mehriban Əliyevanın iştirakı ilə olub.
Xəbəri paylaş
0772703001 
