Ərdoğanla Zelenskidən birgə açıqlamalar

Xəbər verdiyimiz kimi, Ukrayna Prezidenti Volodimir Zelenski Türkiyədə rəsmi səfərdədir.

Mubarizciler.az Türkiyə Prezidenti Rəcəb Tayyib Ərdoğanın mətbuat xidmətinə istinadən xəbər verir ki, liderlər ikitərəfli görüşün ardınca mətbuata birgə açıqlamalar verirlər.

Açıqlamaların ardınca əldə olunan razılaşmalarla bağlı imzalanma mərasimi keçiriləcək.

***

Prezident Rəcəb Tayyib Ərdoğan:

“Dördüncü ilinə qədəm qoyan müharibədə Ukrayna xalqına bütün itkilərinə görə başsağlığı verirəm. Biz müharibədə qalib, sülhdə uduzan olmayacağını dərk edərək sülhün bərqərar olması üçün çox səy göstərdik.

2022-ci ilin martında birbaşa danışıqlara ev sahibliyi etdik və Qara dəniz taxıl təşəbbüsünü həyata keçirdik. Biz bütün səylərimizlə etibarlı vasitəçi olmağa ürəkdən çalışmışıq və konkret nəticələr əldə etmişik. Trampın səlahiyyətlərini dayandırmaq üçün diplomatik təşəbbüs var.

Cənab Zelenski ilə münasibətlərimizlə bağlı mövzular gündəmimizdə ticarət münasibətlərində atılacaq addımlar mühüm yer tuturdu.

Zelenskinin Ukraynanın ərazi bütövlüyü uğrunda mübarizə aparan Krım tatar soydaşlarımızın hüquqları ilə bağlı addımlarını yüksək qiymətləndirirəm.

Biz Ukraynanın ərazi bütövlüyünün tərəfdarıyıq. Türkiyə olaraq bu məsələyə hörmətimizi hər yerdə bildirmişik. Ukraynanın ərazi bütövlüyü bizim üçün əvəzolunmazdır. Sülhdə məğlub olanlar yoxdur. Hazırda bütün dünya Rusiya ilə Ukrayna arasındakı bu müharibədə sülhün bərqərar olmasını gözləyir.

Sülhü təmin etmək üçün ən qısa zamanda addımlar atmaq istəyirik. Taxıl dəhlizində yaxşı nəticələrimiz oldu, amma təəssüf ki, davam etdirə bilmədik. Biz bunun qarşıdakı dövrdə də davam etməsini istəyirik”.

Ukrayna prezidenti Zelenski:

“Münasibətlərimiz həmişə olduğu kimi yüksək səviyyədədir, buna görə prezident Ərdoğana və bütün türk xalqına təşəkkür edirəm.

Türkiyə Ukraynanın ərazi bütövlüyü və suverenliyi məsələlərində çox prinsipial mövqe tutdu. Fikrimizcə, bu, qlobal əhəmiyyət kəsb edir.

Danışıqlarda ukraynalı məhbusların vəziyyəti də müzakirə edildi. Türkiyə əsirlərimizin azad edilməsi üçün təminat verdi”.