Goranboyda Şəhid ailələrinin iştirakı ilə nöbvəti görüş keçirilib - Fotolar

Goranboyda şəhid ailələri və qazilər ilə görüşlər davam etdirilir, onların sosial qayğıları yerində öyrənilir, həlli ilə bağlı müvafiq tədbirlər həyata keçirilir.

Möhtərəm  Prezident cənab İlham Əliyev və Birinci vitse prezident hörmətli Mehriban xanım Əliyevanın şəhid ailələri və müharibə iştirakçılarına göstərdiyi  diqqət və qayğıya, onların sosial qayğılarının öyrənilməsi və operativ həlli ilə bağlı verdiyi tapşırıqlara uyğun olaraq, həmçinin vətəndaş məmnunluğunun təmin edilməsi məqsədi ilə, Goranboy rayonunda da əsaslı işlər görülür. Rayon İcra Hakimiyyəti tərəfindən şəhid ailələri və müharibə iştirakçıları ziyarət edilir, aidiyyəti məsul şəxslərin birgə iştirakı ilə müntəzəm görüşlər təşkil olunur.  Keçirilən görüşlər zamanı, edilən müraciətlərin yerində obyektiv araşdırılması və  rayon  İcra Hakimiyyətinin səlahiyyətləri çərçivəsində həlli mümkün məsələlərin operativ həlli ilə bağlı, aidiyyəti üzrə tapşırıq və tövsiyyələr verilir. Digər məsələlərin həlli məqsədi ilə, aidiyyəti üzrə mərkəzi icra hakimiyyəti orqanlarına rəsmi müraciətlər ünvanlanır. 

Mubarizciler.az xəbər verir ki, Goranboy RİH-nin və aidiyyəti xidmət sahələrinin məsul  əməkdaşlarının birgə iştirakı ilə Qızılhacılı qəsəbəsində Şəhid ailələri görüş keçirildi, onların sosial qayğıları ilə maraqlanıldı.