İcra başçısı və deputat vətəndaşları dinləyib - Fotolar

Yevlax Şəhər İcra Hakimiyyətinin Başçısı və Milli Məclisin deputatı rayonun İsmayılabad kəndində səyyar qəbul keçirmişlər.

Mubarizciler.az xəbər verir ki, Yevlax Şəhər İcra Hakimiyyətinin Başçısı Anar Tağıyev və Milli Məclisin Yevlax rayonundan seçilmiş deputatı İlham Məmmədov, rayonun hüquq-mühafizə orqanlarının, xidməti təşkilatların rəhbərlərinin iştirakı ilə İsmayılabad kəndində səyyar vətəndaş qəbulu keçirmişlər. Şəhər İcra Hakimiyyətinin Başçısı və Milli Məclisin deputatı tərəfindən səsləndirilən müraciətlərin bir qismi yerindəcə həll olunmuş, digər müraciətlərin qanunvericiliyə uyğun, operativ həll edilməsi məqsədilə aidiyyəti qurumların rəhbərlərinə yerində müvafiq tapşırıq və tövsiyyələr bildirilmişdir. Görüşdə iştirak edən sakinlər müraciətlərinə diqqət və həssaslıqla yanaşılmasından məmnun qaldıqlarını bidirərək, onlara yaradılan şəraitə görə Azərbaycan Respublikasının Prezidenti, Müzəffər Ali Baş Komandanımız cənab İlham Əliyevə və Birinci vitse-prezidentimiz hörmətli Mehriban xanım Əliyevaya öz minnətdarlıqlarını ifadə etmişlər.