Goranboyda Respublika Fənn Olimpiadası ilə bağlı maarifləndirici görüş keçirilib - Fotolar

Respublika Fənn Olimpiadası ilə bağlı maarifləndirici görüş keçirilib.

Mubarizciler.az xəbər verir ki, Goranboy-Naftalan rayonları üzrə təhsil sektorunun tabeliyində fəaliyyət göstərən ümumi təhsil müəssisələrinin direktorlarının iştirakı ilə Respublika Fənn Olimpiadalarına qeydiyyat və hazırlıqla bağlı məlumat xarakterli görüş keçirilib. 

Görüşdə Respublika Fənn Olimpiadaları barədə ətraflı məlumat verilib, şagirdlərin düzgün istiqamətləndirilməsinin vacib olduğu qeyd edilib. 

Məlumat üçün bildirək ki, 26 noyabr saat 15:00-dan etibarən Respublika Fənn Olimpiadalarında iştirak üçün elektron qeydiyyat prosesinə start verilib.

Şagirdlər 9 dekabr tarixinədək https://portal.edu.az/ platforması üzərindən qeydiyyatdan keçərək, "Müsabiqə və olimpiadalar" bölməsində müvafiq elektron xidmətlərdən faydalana bilərlər.

Respublika Fənn Olimpiadalarının keçirilməsində əsas məqsəd şagirdlərdə keyfiyyətli təhsil almağa marağı artırmaq, onların özünə inamını gücləndirmək, fənlər üzrə istedad və yaradıcı təfəkkürü aşkar edərək şagirdlərin potensial imkanlarını inkişaf etdirmək və ixtisas seçiminə hazırlıq yaratmaqdır.