Müşfiq Cəfərov Goranboyda vətəndaşları qəbul edib - Fotolar

41 saylı Gəncə-Samux-Goranboy dairəsi üzrə Milli Məclisin deputatı Müşfiq Cəfərov Goranboy rayon Dəliməmmədli şəhər Mahmud Zeynalov adına tam orta məktəbində vətəndaşları qəbul edib.
Keçirilən qəbulda Deputat Müşfiq Cəfərov, səlahiyyətli nümayəndəsi və Goranboy Rayon İcra Hakimiyyəti başçısının Dəliməmmədli Şəhər İnzibati ərazi dairəsi üzrə Nümayəndəsi Seymur Namazov iştrak edib.

Mubarizciler.az xəbər verir ki, görüşdə vətəndaşlar tərəfindən sosial problemlərin həlli, Şəhid adını daşıyan küçələrin asfalt örtüyü ilə təmin edilməsi, yaşayış evlərinə qaz xətlərinin çəkilişi və müalicə ilə bağlı problemlərin həlli kimi məsələlər ən çox səsləndirilən fikirlərdən olub.

Vətəndaşların müraciətləri Müşfiq Cəfərov tərəfindən diqqətlə dinlənilib, millət vəkilinin səlahiyyətlərinə aid müraciətlər qanun çərçivəsində həll olunub, digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.
Qəbulda iştirak edən vətəndaşlar doğma torpaqlarımızın işğaldan azad olunmasına, onlara dövlət tərəfindən göstərilən davamlı diqqət və qayğıya görə ölkə Prezidenti İlham Əliyevə minnətdarlıqlarını bildiriblər.

Elçin Tağıyev.