Elçin Kərimov Goranboyda vətəndaşları qəbul edib - Fotolar
Noyabrın 20-də Gəncə-Daşkəsən Regional Təhsil İdarəsinin müdiri Elçin Kərimov Goranboy rayonu üzrə təhsil sektorunun inzibati binasında həmin rayon qeydiyyatında olan vətəndaşları qəbul edib.
Keçirilən qəbulda vətəndaşlar əsasən işlə təmin olunma, əmək müqaviləsinin artırılması, iş yerinin dəyişdirilməsi və digər məsələlərlə bağlı müraciət ediblər.
Mubarizciler.az xəbər verir ki, Elçin Kərimov qəbula yazılmış vətəndaşların müraciət, şikayət və təkliflərini dinləyərək hər bir müraciətin operativ şəkildə araşdırılması və qaldırılan məsələlərin qanunvericiliyə uyğun həlli istiqamətində müvafiq tapşırıqlar verib.
Qeyd edək ki, idarə müdirinin vətəndaş qəbulu hər həftənin cümə axşamı günü 15:00-dan etibarən Gəncə-Daşkəsən Regional Təhsil İdarəsinin inzibati binasında həyata keçirilir. Qəbulda iştirak etmək istəyən vətəndaşlar əvvəlcədən 146-0-2 Çağrı mərkəzinə zəng edə və ya info@ganja.edu.gov.az ünvanına yaza bilərlər.
Xəbəri paylaş
0772703001 
