Gəncədə Elçin Kərimovun rəhbərliyi ilə görüş keçirilib - Fotolar

Elm və Təhsil Nazirliyi tərəfindən həyata keçirilən müsabiqə və olimpiadalarda şagirdlərin iştirakı ilə bağlı görüş keçirilib.

Mubarizciler.az xəbər verir ki, Görüşdə Gəncə-Daşkəsən Regional Təhsil İdarəsinin müdiri Elçin Kərimov, ümumtəhsil məktəblərinin direktorları və ötən 5 il ərzində Elm və Təhsil Nazirliyi tərəfindən həyata keçirilən müsabiqə və olimpiadalarda müvafiq yerlərə layiq görülən şagirdlərin müəllimləri iştirak ediblər. 

Görüşdə çıxış edən GDRTİ-nin müdiri Elçin Kərimov şagird nailiyyətlərinin yaxşılaşdırılması, Respublika Fənn Olimpiadaları, fənn müsabiqələri, Lütfi Zadə adına riyaziyyat və məntiq olimpiadası, "Ən yaxşı təqdimat" müsabiqəsi, Beynəlxalq STEAM Azərbaycan (SAF) və "Sabahın alimləri" Respublika layihə müsabiqəsinin tədris illəri üzrə nəticələri barədə məlumat verib. 

İdarə müdiri sözügedən müsabiqələrdə uğurlu nəticələr göstərən şagirdlərin müəllimlərinə öz təşəkkürünü bildirib. 

Görüşün davamında müsabiqə və yarışlarda şagirdlərin uğurlu nəticə əldə etməsi istiqamətində görüləcək işlərlə bağlı müzakirə həyata keçirilib.