Goranboyda "Şanlı Qələbəmiz!” adlı tədbir keçirilib - FOTO

8 Noyabr – Zəfər Günü ilə əlaqədar "Şanlı Qələbəmiz!” adlı tədbir keçirilib.

Mubarizciler.az xəbər verir ki, Goranboy rayon M.Zeynalov adına Dəliməmmədli şəhər tam orta məktəbdə keçirilən tədbirdə Goranboy-Naftalan rayonları üzrə təhsil sektorunun  müdiri Xəyal Məmmədov, Goranboy Rayon İcra Hakimiyyətinin nümayəndəsi Ziya Aslanov, təhsil sektorunun məsul əməkdaşları və məktəbin kollektivi, şəhid ailələrinin üzvləri, qazilər və müharibə veteranları iştirak ediblər.

Azərbaycanın Dövlət Himninin səsləndirilməsi ilə başlanan tədbirdə şəhidlərin əziz xatirəsi yad edilib. Bildirilib ki, 8 Noyabr - Zəfər Günü Azərbaycan tarixinin qızıl səhifəsi, Müzəffər Ali Baş Komandan, Prezident İlham Əliyevin rəhbərliyi altında şanlı Azərbaycan Ordusunun yazdığı qəhrəmanlıq dastanıdır.

Tədbir şagirdlərin “Zəfər Günü”nə həsr olunmuş ədəbi-bədii kompozisiyaları ilə davam edib.

Tədbirdə "Zəfər Günü"nə həsr olunmuş müxtəlif nominasiyalar üzrə qalib şagirdlər "Fəxri Fərman"la mükafatlandırılıb.

Tədbirin sonunda şəhid ailə üzvləri, qazi və vətən müharibəsi veteranları ilə çay süfrəsi ətrafında səmimi söhbət edilərək xoş xatirələr yad edilib.