Göygöldə 8 Noyabr -Zəfər Günü ilə əlaqədar "Zəfər Yarışı" keçirilib - FOTO
Gəncə-Daşkəsən Regional Təhsil İdarəsinin təşkilatçılığı ilə Göygöl rayon Köşkü kənd tam orta məktəbində 8 Noyabr -Zəfər Günü ilə əlaqədar "Zəfər Yarışı" keçirilib.
Mubarizciler.az xəbər verir ki, Yarışda Gəncə və Naftalan şəhər,Goranboy, Göygöl, Samux və Daşkəsən rayon ümumi təhsil müəssisələrindən şagirdlər komanda şəklində iştirak ediblər.
Azərbaycan Respublikasının Dövlət Himninin səslənməsi ilə açıq elan edilən tədbirdə VII-VIII IX sinif şagirdlərindən ibarət komandalar əvvəlcədən müəyyənləşdirilmiş maneələri keçərək yarışı yekunlaşdırmalı olublar. Maneələri düzgün və daha surətli keçən komandalar müvafiq yerlərə layiq görülüblər.
Hakimlər heyyətinin qiymətləndirməsinə əsasən Gəncə şəhərini təmsil edən “Zəfər” komandası I yerə, Göygöl rayon Üçtəpə kənd tam orta məktəbin şagirdlərindən ibarət “Zəngilan” komandası II yerə, Daşkəsən rayon məktəblilərindən ibarət olan “Dəmir Yumruq” komandası isə III yerə layiq görülüb.
Müvafiq yerlərə layiq görülən komanda üzvləri diplom və medalla təltif ediliblər.
Xəbəri paylaş
0772703001 
