Goranboyda “təhsildən yayınma hallarının qarşısının alınması məqsədilə nəzarətin gücləndirilməsi” mövzusunda görüş keçirilib - FOTO

Goranboyda,  “təhsildən yayınma hallarının qarşısının alınması məqsədilə nəzarətin gücləndirilməsi”  mövzusunda maarifləndirici tədbir keçirildi.

Azərbaycan respublikası Prezidentinin 2020-ci il 27 noyabr tarixli 2306 nömrəli Sərəncamı ilə təsdiq edilmiş "Uşaqlara dair strategiyanın həyata keçirilməsi üzrə 2020-2025-ci illər üçün fəaliyyət planının 5.5.1. bəndində uyğun olaraq, “təhsildən yayınma hallarının qarşısının alınması məqsədilə nəzarətin gücləndirilməsi” mövzusunda Goranboy şəhər 4 nömrəli tam orta məktəbində Goranboy rayon İcra Hakimiyyətinin təşkilatçılığı, rayon Uşaq və Ailələrə Dəstək Mərkəzi və Goranboy-Naftalan rayonları üzrə təhsil sektorunun əməkdaşlarının iştirakı ilə maarifləndirici tədbir keçirildi.

 Mubarizciler.az xəbər verir ki, Tədbirdə, rayon İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyanın pisixoloqu  Rauf Behbudzadə rayonun ümumtəhsil məktəblərində təhsildən yayınan şagirdlərin dərsə davamiyyətinin təmin olunmasının, onların təhsil keyfiyyətinin səmərəliliyinin artırılmasının, bu istiqamətdə ümumtəhsil məktəblərinin əməli fəaliyyətinin gücləndirilməsinin vacibliyini vurğuladı. Digər çıxış edənlər rayonda və kəndlərdə erkən nikah hallarının aşkarlanması istiqamətində əldə olunmuş statistik məlumata görə erkən nikaha sövq edilən qızların mütləq əksəriyyətinin təhsildən yayınan qız uşaqları olduğunu qeyd etdi və bu səbəbdən də şəhər və kənd bələdiyyələrinin nəzdində fəaliyyət göstərən yerli monitorinq qruplarının fəaliyyətinin sürətlənməsini bildirdi.