Goranboyda “Ailədə uşaqların hüquqları və valideynlik öhdəlikləri” mövzusunda maarifləndirici görüş keçirilib - FOTO
17 oktyabr 2024-cü il tarixində Ailə, Qadın və Uşaq Problemləri üzrə Dövlət Komitəsinin Goranboy Uşaq və Ailələrə Dəstək Mərkəzinin (UADM) təşkilatçılığı ilə Səfikürd kənd tam orta məktəbində “Ailədə uşaqların hüquqları və valideynlik öhdəlikləri” mövzusunda maarifləndirici görüş təşkil olunub.
Mubarizciler.az ın məlumatına görə, Görüşdə UADM əməkdaşları, məktəbin psixoloqu, valideynlər iştirak ediblər.
Mərkəzin direktoru Sənəm Alxasova çıxış edərək uşaqların hüquqları, valideyn öhdəlikləri, ailədə uşaq-valideyn münasibətlərinin düzgün qurulmasından danışıb, sağlam düşüncəli, özgüvənli, cəmiyyətə yararlı şəxslər yetişdirməyin əhəmiyyətini vurğulayıb. Məktəbin psixoloqu Lamiyə Kərimova çıxışında valideynlər və uşaqlar arasında münasibətlərdən, uşaqların yaş dövrlərinə uyğun olan psixoloji xüsusiyyətlərdən bəhs edib.
Yekunda iştirakçıların sualları cavablandırılıb, “Ailədə uşaqlara psixososial dəstəyin göstərilməsi” adlı maarifləndirici bukletlər paylanılıb, “Ailədə uşaqların hüquqlarını qoruyaq!” adlı təqdimat nümayiş etdirilib.
Xəbəri paylaş
0772703001 
