Bakı şəhərində yerləşən tam orta məktəblərdə təbliğat-təşviqat tədbirlərinə start verildi FOTOLAR

Gənclərin Daxili İşlər Nazirliyi sistemində təhsilə və xidmətə təşviq edilməsi ilə bağlı keçirilən təbliğat xarakterli silsilə tədbirlər davam etdirilir. 

Mubarizciler.az ın məlumatına görə ölkə Sağlam düşüncəli və yüksək intellektli şagirdlərin ixtisas seçimində Polis Akademiyasına üstünlük verməsinin təmin edilməsi məqsədilə 3 oktyabr 2024-cü il tarixdə Bakı şəhərinin Xəzər rayonunda yerləşən 156 nömrəli tam orta məktəbdə  IX-XI sinif şagirdləri ilə görüş keçirilmiş, Akademiyaya qəbul qaydaları, kursantların maddi, sosial təminatları, imtiyazları barədə ətraflı məlumat verilmişdir.

Növbəti tədris ilindən hüquqşünaslıqla yanaşı İnformasiya təhlükəsizliyi ixtisası üzrə də kursant qəbulunun həyata keçiriləcəyi nəzərə alınaraq qəbulun şərtləri barədə şagirdlər məlumatlandırılmış, Akademiya haqqında məlumatları özündə əks etdirən lifletlər paylanılmışdır. Həmçinin, Polis Akademiyasının rəsmi saytında yerləşən “Virtual Akademiya” platformasından istifadə edərək təhsil müəssisəsi ilə tanışlıq imkanının olduğu da şagirdlərin nəzərinə çatdırılmışdır.