Carçıyev Teyyub vəzifəyə təyin edildi - FOTO

Ağstafa Rayon Mərkəzi Xəstəxanasına yeni müavin təyin olunub.

TƏBİB-in İcraçı direktoru Vüqar Qurbanovun əmrinə əsasən Ağstafa Rayon Mərkəzi Xəstəxanasına direktorun ilkin səhiyyə xidmətləri  üzrə  müavini vəzifəsinə Carçıyev Teyyub Nüsrəddin oğlu  təyin olunub.

Mubarizciler.az xəbər verir ki, Carçıyev Teyyub Nüsrəddin  oğlu 12.02.1978-ci il tarixində Qazax Rayonun Çaylı kəndində anadan olub. 1995-ci ildə Tibb Universitetinin Müalicə-profilaktika fakültəsinə qəbul olunub. 2002-ci ildə fərqlənmə diplomu ilə Universiteti bitirib.  Daha sonra həqiqi hərbi xidmət keçib. 2004-2006-cı illərdə Mərkəzi Klinik  Xəstəxananın Damar cərrahiyyəsi  şöbəsində həkim-cərrah işləyib.

2006-cı ildə Ağstafa Rayon Mərkəzi Xəstəxanasının Cərrahiyyə şöbəsində həkim-cərrah vəzifəsində çalışıb.       

 II Qarabağ müharibəsində  qismən səfərbərlik sərəncamı ilə   30.09.2020-ci il tarixindən 02.02.2021-ci il tarixinədək Azərbaycan Silahlı Qüvvələrində yenidən hərbi  xidmətdə olub.  Xocavənd, Fizuli və Şuşa istiqamətlərində döyüşlərdə iştirak edib, Prezident İlham Əliyevin Fərmanı ilə “ Şuşanın azad olunması”  və “II   Vətən müharibəsi iştirakçısı”  medalları ilə təltif olunub. II Vətən müharibəsi veteranıdır.  

2021-ci ildən indiyədək  Ağstafa Rayon Mərkəzi Xəstəxanasının Cərrahiyə  şöbəsinin  Əməliyyatxana   bölməsində bölmə müdiri vəzifəsində çalışıb.

Teyyub həkimə işlərində uğurlar arzulayırıq.