Lamiyənin atası Mehriban Əliyevaya təşəkkür etdi
Parisdə keçirilən Yay Paralimpiya Oyunlarında Azərbaycana qızıl medal qazandıran Lamiyə Vəliyevanın atası Rövşən Vəliyev təşəkkür paylaşımı edib.
Mubarizciler.az xəbər verir ki, o, bu haqda sosial şəbəkə hesabında yazıb.
“Lamiyənin Parisdə qazandığı uğura görə çoxlu təbriklər alırıq. Bu təbriklər Lamiyənin ailəsi olaraq tək bizə deyil, bütün Azərbaycana ünvanlanıb.
Lamiyə Azərbaycanı sevdiyi qədər Azərbaycan da onunla qürur duydu, sevdi. Bu, bizi sevindirir, Lamiyəni isə qələbələrinin davamlı olması üçün ruhlandırır.
Birinci vitse-prezident Mehriban xanım Əliyevanın Lamiyəyə ünvanlanan təbriki isə bizi daha çox qürürlandırdı və sevincimizi ikiqat artırdı.
Ailəmiz adından Mehriban xanım Əliyevaya, o cümlədən Azərbaycan dövlətinə və xalqımıza idmançıların əməyinə daim diqqət və qayğı göstərdiklərinə görə minnətdarlıq bildiririk”.
Qeyd edək ki, paraatletimiz Lamiyə Vəliyeva T13 kateqoriyasında 100 metr məsafəyə qaçışda finişə 11.76 saniyəyə birinci çataraq qızıl medal qazanıb.
Xəbəri paylaş
0772703001 
