Azər Əmiraslanov növbəti dəfə seçicilərini dinlədi FOTOLAR
Böyük Kəsik və Ağgöl kənd sakinləri Azər Əmiraslanova təklif və müraciətlərini bildirdilər.
Mubarizciler.az xəbər verir ki, 108 saylı Ağstafa Seçki Dairəsindən deputatlığa namizəd Azər Əmiraslanov təbliğat və təşviqat kompaniyasının sonuncu günündə Böyük Kəsik və Ağgöl kənd sakinləri ilə görüşüb.
Öncə Vətən Müharibəsi Qəhrəmanı Azər Yusiflinin adını daşıdığı məktəbdə büstü ziyarət olunub. Hər iki kənd meydanında keçirilən görüşdə isə torpaqlarımızın azadlığı və suverenliyi uğrunda canından keçən bütün şəhidlərimizin əziz xatirəsi bir dəqiqəlik sükutla yad edilib.
Daha sonra deputatlığa namizəd Azər Əmiraslanovun və vəkillərinin çıxışları dinlənilib. Namizədin tərcümeyi halı və platforması seçicilərin diqqətinə çatdırılıb. Görüşdə sakinlərin qaldırdıqları məsələlər və ünvanlanan suallar ətrafında maraqlı müzakirələr aparılıb.
Kəndin şəhid ailələri, ağsaqqallar və ziyalılarla keçirilən görüşdə isə sakinləri narahat edən məsələlər müzakirə edilib. Müraciətlərə baxılması üçün müvafiq qeydlər aparılıb.
Xəbəri paylaş
0772703001 
