Xəyal Məmmədov: Təhsil işçiləri qardaş Türkiyəyə öz yardımlarını əsirgəmədilər - FOTOLAR
Goranboy-Naftalan Təhsil Sektorunun xətti ilə Türkiyəyə 2-TIR yardım göndərildi.
Cənab Prezident İlham Əliyevin çağırışı ilə Azərbaycan xalqı qardaş türk xalqına yardım kampaniyasına qoşulub.
Belə ki, bir neçə gün öncə Türkiyənin cənub-şərqində, çoxsaylı insan tələfatı və dağıntılarla nəticələnən zəlzələdən sonra Azərbaycan xalqı öz qardaş-bacılarına dəstək üçün əlindən gələni əsirgəmir.
Mubarizciler.az xəbər verir ki, 9 fevral 2023-cü il tarixində Goranboy-Naftalan rayonları üzrə Təhsil Sektorunun rəhbəri Xəyal Sakit oğlu Məmmədovun təşkilatçılığı ilə təhsil işçiləri tərəfindən Türkiyədə baş vermiş zəlzələdən əziyyət çəkən insanlara yardım göndərildi.
Ümid edirik ki, Türkiyə bu fəlakətdən tezliklə qurtulacaq və zəlzələnin acı nəticələrini tez bir zamanda aradan qaldıracaq.
Goranboy-Naftalan Təhsil Sektoru olaraq bütün pedaqoji kollektiv adından zəlzələdə həyatını itirənlərə Allahdan rəhmət, yaralananlara isə şəfa diləyirik.
Xəyal Məmmədov
Goranboy-Naftalan rayonları üzrə Təhsil Sektorunun müdiri
Xəbəri paylaş
0772703001 
