Baş prokuror Ağcabədidə vətəndaşları qəbul etdi 0
Aprelin 7-si Baş prokuror Kamran Əliyev Ağcabədi rayonda Ağcabədi, Ağdam, Beyləqan, Füzuli, Xocavənd və Laçın həmçinin, digər rayonlardan olan vətəndaşları qəbul edib.
Mubarizciler.az Baş Prokurorluğun Mətbuat xidmətinə istinadən xəbər verir ki, əvvəlcə Baş prokuror Heydər Əliyevin Ağcabədidəki abidəsini ziyarət edib.
Daha sonra keçirilən qəbulda 46 vətəndaş iştirak edib. Vətəndaşların müraciətlərində qaldırdıqları məsələlərin, o cümlədən konkret cinayət işlərinin istintaqı və törədilmiş cinayətlər barədə məlumatların araşdırılması zamanı yol verilmiş qanun pozuntuları, məhkəmədə baxılan cinayət işləri üzrə dövlət ittihamının müdafiəsi ilə bağlı, mülki xarakterli mübahisələrlə əlaqədar və sosial problemlərə aid müraciətlərin bilavasitə prokurorluqda və ya aidiyyəti icra orqanlarında operativ həlli üçün Kamran Əliyev müvafiq göstərişlər verib.
Qəbuldan sonra Baş prokuror əməkdaşlarla görüşlər keçirərək konkret tapşırıqlar verib.
Xəbəri paylaş
0772703001 
