Ağstafada rayon ziyalıları və ağsaqqalları ilə növbəti görüş keçirilib - FOTO 0

Ağstafa şəhərində bir qrup rayon ziyalıları və ağsaqqalları ilə növbəti görüş keçirilib.

Mubarizciler.az xəbər verir ki, Ağstafa şəhəri S. Vurğun adına mədəniyyət və istirahət parkında təşkil olunmuş görüşdə İctimai Şuranın sədri Hüseyn Hüseynov, sədr müavini Teymur Əliyev və digər üzvlər, Ağsaqqallar Şurasının üzvləri həmçinin rayon ziyalıları iştirak ediblər. 

Teymur Əliyev çıxış edərək bildirib ki, ulu öndər Heydər Əliyevin qurucusu və memarı olduğu müasir ölkəmizdə ağsaqqallar daim yüksək hörmət və nüfüz sahibi olmuş, bu gün vətənpərvər ruhda yetişən gənclərin tərbiyə olunmasında müstəsna xidmətləri olmuşdur. Görüşdə çıxış edən rayon ağsaqqalları Şanlı Qələbəmizdən sonra Azərbaycan özünün mühüm inkişaf dövrünə qədəm qoyması, həmçinin, ölkə rəhbərliyinin əhalinin sosial rifahının artırılması yolunda göstərdiyi xidmətdən dolayı cənab Prezident İlham Əliyevə öz dərin minnətdarlıqlarını ifadə ediblər.

Görüşdə Ağstafa rayonunda abadlıq-quruculuq, sosial-iqtisadi, ictimai, mədəni sahələrdə icra olunan işlərlə bağlı müzakirələr aparılıb, ağsaqqalların tövsiyyə və müraciətləri dinlənilib.